എവിടെപ്പോയി
പേമാരി പെയ്യുമ്പോള്‍ പൊങ്ങുന്ന മണ്ണിന്റെ പുതുമണം എവിടെപ്പോയി ? പ്രകൃതിക്കിണങ്ങുന്ന അഴകോടെ ഒഴുകുന്ന ചെറുപുഴയെവിടെപ്പോയി ? റോഡരികില്‍ പൂക്കുന്ന പൂമ്പാറ്റയെത്തുന്ന പൂച്ചെടികളെവിടെപ്പോയി ? പുല്‍ക്കൊടി വളരുന്ന പൂങ്കുരുവിയെത്തുന്ന മലവാഴത്തോട്ടങ്ങളെവിടെപ്പോയി ? അളിഞ്ഞശവങ്ങള്‍ നാറുമ്പോള്‍ മണ്ണിന്‍പുതുമണം എങ്ങോപോയി. മലിനജലമൊഴുക്കി വിടുമ്പോള്‍ ചെറുപുഴയെങ്ങോപോയി. സിഗരറ്റുകുറ്റികള്‍ റോഡരികില്‍ നിറയുമ്പോള്‍ പൂച്ചെടിയെങ്ങോ പോയി. വീടുകള്‍ നിറയുമ്പോള്‍ ഫ്ലാറ്റുകള്‍ നിറയുമ്പോള്‍ തോട്ടങ്ങളെങ്ങോ പോയി. - ഹിബാ ഹാഫിസ്